Blodau a Drain CD048N

Blodau a Drain yw enw albym cyntaf y gwr o Sir Gar. Ar ol treulio sawl blwyddyn yn yr Alban mae Gareth wedi ymgartrefu yn ei hen gynefin, ac wedi recordio albym sy'n llawn o storie a phersonoliaeth. Mae Gareth yn gigio cryn dipyn, gan perfformio setiau acwstic ar ben ei hun, ac hefyd gyda band llawn. Mae hyn yn dangos pa mor amryddawn yw'r dyn; mae e' run mor hapus yn sibrwd-ganu mewn cornel ryw hen dafarn efo'i gitar acwstic, ac y mae e' pan yn bloeddio'r geiriau allan dros swn ei gitar drydan.

Ymddengys deg can ar yr albym newydd, gan gynnwys Gair Ola' a chafwyd eu darlledu ar sesiwn C2 nol ym mis Mawrth 2005. Mae'r gweddill yn ymestyn o faledi acwstic fel Nol i'r Fro, i ganeuon gwerin post-modern fel (Reu di Reu) Y Diafol a Fi. Hefyd, mae lle ar yr albwm i ganeuon mor amrywiol a sglein roc gwledig Califfornia, ffync Bae Aberporth, a phop Blodau a Drain.

Mi fuodd Gareth y lwcus iawn i gael band gwych ar y record. Ar y drymiau mae Meredudd Jones sy' hefyd yn chwarae i'r band newydd Iglw. Mae Iestyn Jones, sy'n perfformio gyda Fflur Dafydd a'r Barf yn chwarae'r gitar fas. Yn ogystal a chynhyrchu'r record a chwarae'r mandolin ar Gair Ola, mi wnaeth Rhys “Y Barf” James chwarae'r organ ar Iar Fach yr Haf.

Mi wnaeth Gareth hefyd fwynhau cwmni yr enwog Huw Chiswell, a fuodd mor garedig a pherfformio ar Iar Fach yr Haf, a (Reu di Reu) Y Diafol a Fi, a Califfornia.

Mi fydd Gareth yn gigio mewn rhyw dafarn ar eich bwys chi, yn fuan iawn. Gwrndewch a mwynhewch.